Ҳужумчи Ансу Фати "Брайтон"даги ижарадан қайтгач, "Барселона" таркибидаги ўрин учун курашишни режалаштирганди. Бироқ Каталония клуби футболчига нисбатан ҳукм чиқарди. У Ҳанс-Дитер Фликнинг кейинги мавсумдаги режаларига киритилмаган.
Катта эҳтимол билан Фати яна ижарага кетади ва 21 ёшли футболчини қўлга киритиш учун асосий даъвогар "Севилья" ҳисобланади.
Андалусияликлар Ансунинг маошининг 50 фоизини олишга тайёр, аммо "Барселона" ижарачи футболчига маошнинг 80 фоизини тўлашини истамоқда. Музокараларда бу фоизлар муҳокама қилинса керак.
