Альваро Мората "Милан"га ўтишга яқин турибди.
Инсайдер Фабрицио Романонинг хабарига кўра, Мадриднинг "Атлетико" клуби ва Испания терма жамоаси ҳужумчиси "россонерилар" билан 4 йиллик шартнома имзолаш бўйича оғзаки келишувга эришган. "Милан" Моратанинг 13 миллион евро миқдоридаги товон пулини тўлайди.
Келишувни расмийлаштириш ва тиббий кўрик шу ҳафта бўлиб ўтиши кутилмоқда.
2023/24 йилги мавсумда Мората "Атлетико" сафида Ла Лиганинг 32 та учрашувида 15 та гол урди ва 3 та голли узатмани амалга оширди.
