"Арсенал" ва Англия терма жамоаси ярим ҳимоячиси Деклан Райс Евро-2024да рақибларидан энг кўп тўпни тортиб олди.
Гарет Саутгейт жамоаси финалга чиқди ва у ерда Испания терма жамоаси билан тўқнаш келди. Райс асосий таркибда майдонга тушди ва тўлиқ ўйнади, бироқ “Уч шерлар”га мағлубиятдан қутулиб қолишга ёрдам бермади (1:2).
Айнан 25 ёшли ярим ҳимоячи якунланган Еврода энг кўп тўпни олиб қўйган футболчилар рейтингида биринчи ўринни эгаллади. Squawka таъкидлаганидек, "канонирлар" вакили 19 марта тўпни рақиблардан олиб қолган. У ҳар бири 18 тадан тўпни қайтариб олган Ферди Кадиўғли (Туркия) ва Жюль Кундени (Франция) ортда қолдирди. Бироқ, Райснинг "таъқибчилари" камроқ ўйин ўтказганини ҳисобга олиш керак.
