"ПСЖ" ёзда ярим ҳимоячи Фабиан Руисни сотиш вариантини кўриб чиқмоқда.

Париж гранди ўрта чизиқни жиддий равишда мустаҳкамлаш ниятида: Франция чемпионларининг қисқа рўйхатидан Жоау Невеш (“Бенфика”), Жошуа Киммих (“Бавария”) ва истиқболли Дезире Дуэ (“Ренн”) ўрин олган. Улардан камида иккитасини қўлга киритиш учун "ПСЖ" ўз ўйинчиларининг бир қисми билан хайрлашиши керак. RMC Sport хабарига кўра, клуб Руисни сотиш учун асосий номзод деб ҳисобламоқда. Парижликлар 28 ёшли ярим ҳимоячининг Евро-2024даги ишончли ўйини унга қўшимча қизиқиш уйғотади ва унинг нархини ошириб юборишига умид қилмоқда.

Фабиан Руис Испания терма жамоасига Европа чемпионатида ғалаба қозонишга ёрдам берди. Турнирнинг олтита учрашувида у иккита гол урди ва иккита голли узатмани амалга оширди.