Машҳур италиялик мураббий Фабио Капелло 2024 йилги Европа чемпионатидаги ўйини билан қойил қолдирган футболчи номини айтди.
"Менга Нико Уильямс жуда ёқди. Бу йигит Италияга қарши ўйини билан мени ҳайратда қолдирди. Кейин эса турнирнинг ҳар бир кейинги ўйинида ўз даражасини тасдиқлади. Никода техника ва тезлик бор. У майдонда қандай ҳаракат қилиш кераклигини яхши билади", - дейди мутахассис.
Еврода Уильямс олтита ўйин ўтказиб, иккита гол ва битта голли узатмани амалга оширди. Турнир финалида испанияликлар Англия терма жамоасини 2:1 ҳисобида мағлуб этишди.
