«Бавария»да спорт директори лавозимини эгаллаб турган Кристоф Фройнд жамоа ҳимоячиси Альфонсо Дэвис мавзуси ҳақида гапирди.
«Дэвис билан янги шартнома бўйича музокараларда ҳали ҳеч қандай келишувга эришилмаган. Иложсиз иш эмас. Ҳозир у шартномасининг сўнгги мавсумини бошлайди, кейин кўрамиз», - дея Фройнднинг сўзларини келтиради журналист Флориан Плеттенберг.
Айтиш жоизки, миш-мишлар узоқ вақтдан бери Альфонсо Дэвисни «Реал» билан боғлаб келган. "Transfermarkt" портали мутахассислари 23 ёшли канадалик футболчини 50 миллион еврога баҳоламоқда.