“Манчестер Юнайтед” ҳужумчиси Мэйсон Гринвуд Франция клубига ўтишга яқин турибди.
Бироз олдинроқ маълум бўлишича, инглиз футболчиси "Марсель"га кўчиб ўтишга рози бўлган. Ҳозир клублар келишувга яқин: журналист Фабрис Хокинснинг сўзларига кўра, провансликлар трансферни яқин 24-48 соат ичида ёпишни кутишмоқда.
22 ёшли форварднинг трансфери “Марсель”га 30 миллион еврога тушади. Шунингдек, "Манчестер Юнайтед" ўз тарбияланувчисининг келажакда қайта сотиладиган суммасининг 50 фоизини олади.
Мэйсон Гринвудга Италиянинг “Ювентус”, “Лацио” ва “Наполи” клублари ҳам қизиқиш билдиришди.
