"Ювентус" футболчиси Матиас Суле "Рома"га ўтмоқчи.
21 ёшли ҳужумчи аллақачон Рим клуби билан келишувга эришган, бироқ “Ювентус” ҳалигача унинг сотилишига рухсат бермаган. Инсайдер Жанлука Ди Марсионинг сўзларига кўра, "Рома" 25 миллион евро ва бонуслар бўлган таклиф тайёрламоқда. Бироз аввалроқ Англиянинг “Лестер” клуби аргентиналик учун таклиф билан чиққанди – “тулкилар” тахминан 20 миллион евро тўлашга тайёр.
Матиас Соуле ўтган мавсум “Фрозиноне” сафида ижара асосида А Сериянинг 36 та учрашувида 11 та гол ва 3 та голли узатмага муаллифлик қилган.
