Италиянинг “Милан” клубининг футболчиси, бельгиялик ҳимоячи Алексис Салемекерс Англиянинг “Лестер” клуби футболчисига айланишга яқин турибди. Салемакерс ўтган мавсумни Чемпионлар лигасига йўл олган "Болонья" жамоасида ижара асосида ўтказди.

Аммо энди "Милан" клубнинг янги бош мураббийи, португалиялик мутахассис Паулу Фонсеканинг режаларига тўғри келмайдиган футболчини сотиб юбормоқчи.

Инсайдер Жанлуиджи Лонгарининг сўзларига кўра, инглиз клуби Салемакерс бўйича "Милан"га биринчи таклифни расмийлаштириб бўлган, шунинг учун келишув яқин кунларда тузилиши мумкин.