"ПСЖ" ярим ҳимоячиси учун курашда "Бавария" пешқадамлик қилмоқда. Гап янги жамоа қидираётган Хави Симонс ҳақида кетмоқда. Журналист Танзи Оличнинг ёзишича, “Бавария” ёш голланд учун курашда етакчилик қиляпти.
Ўтган мавсумда Симонс "Лейпциг" сафида ижара асосида ўйнаган. Хабар қилинишича, иккала клуб ҳам футболчини сотиб олиш мажбурияти билан ижарага олишга тайёр.
Аввалроқ Каталониянинг “Барселона” клуби Симонс учун курашда иштирок этган, бироқ раҳбарият ҳозирча 21 ёшли ярим ҳимоячининг трансферини молиялаштира олмайди.