"PSJ" yarim himoyachisi uchun kurashda "Bavariya" peshqadamlik qilmoqda. Gap yangi jamoa qidirayotgan Xavi Simons haqida ketmoqda. Jurnalist Tanzi Olichning yozishicha, “Bavariya” yosh golland uchun kurashda yetakchilik qilyapti.
O‘tgan mavsumda Simons "Leypsig" safida ijara asosida o‘ynagan. Xabar qilinishicha, ikkala klub ham futbolchini sotib olish majburiyati bilan ijaraga olishga tayyor.
Avvalroq Kataloniyaning “Barselona” klubi Simons uchun kurashda ishtirok etgan, biroq rahbariyat hozircha 21 yoshli yarim himoyachining transferini moliyalashtira olmaydi.