Дунёнинг тўртинчи ракеткаси, германиялик теннисчи Александр Зверев майсали кортни энг хавфли майдон деб атади.
Эслатиб ўтамиз, "Уимблдон-2024" доирасида Зверев тиззасидан жароҳат олганди.
“Албатта, бу ўта хавфли майдон туридир. Йиқилиш ҳар қандай ўйинда содир бўлиши мумкин ва бу менда Норрига қарши ўйинда содир бўлганди.
Сиз сирпанасиз ва танангиз одатда ғалати позицияни эгаллайди.
Қумли кортда сиз майсали кортга қараганда сирғалишни яхшироқ бошқара оласиз. Бу йил "Уимблдон"да қанча ўйинчи майдонни тарк этишга мажбур бўлганини кўрдингиз, шунинг учун менимча, майса энг хавфли майдон тури ҳисобланади, айниқса у тўлиқ қуримаганда", - дея Зверевнинг сўзларини келтиради Tennis 365.
