Париждаги Олимпия ўйинларининг очилиш маросимида иштирок этиши керак бўлган санъаткорлар ва раққослар иш ташлаш билан расмийларга таҳдид қилди.
Айрим рассомлар ва санъаткорларнинг норозилиги меҳнат шароитлари ва шартномаларнинг бузилиши билан боғлиқ.
"Биз 26-июль кунги шоу, шунингдек, 28-августга режалаштирилган Паралимпия ўйинларининг очилиш маросими учун навбатдаги машғулотлар бўйича иш ташлашни эълон қилишга мажбурмиз ва бундан афсусдамиз", — дейилади Меҳнат Конфедерациясининг пресс-релизида.
Таъкидланишича, Paname 24 агентлиги ўз эътиборини касаба уюшмасининг бир неча бор жамоа шартномасига мос келмайдиган шартномавий муносабатларига қаратган.
Очилиш маросимида 3000 га яқин ижодкор иштирок этиши кутилмоқда, бироқ шоунинг 250-300 га яқин раққосалари “шармандали шароитда ишга олингани” айтилади.
