Собиқ футболчи ва мураббий Жованни Галеоне Массимилиано Аллегри келажаги ҳақида гапирди. 56 ёшли мутахассис «Ювентус»ни тарк этгач, ишсиз қолди.
Миш-мишлар мураббийни А Сериянинг бошқа клубларига тайинланиши, шунингдек, Англия Премьер-лигасида ишлаши билан боғлаган, аммо Галеоненинг сўзларига кўра, Аллегрининг бошқа режалари бор.
"Аллегри Саудия Арабистони ёки Англияни орзу қилмайди. У фаолияти давомида жуда кўп пул топди, шунинг учун унинг танлови пулга боғлиқ бўлмайди.
Массимилиано Италия терма жамоасини бошқаришни орзу қилади. Балки бир кун келиб бунга эришар, аммо ҳозирча Лучано Спалеттига ишонишимиз керак, чунки у ажойиб мураббий. Еврода у қўлидан келган ҳамма нарсани қилди ва бошқа бировнинг бошчилигида жамоа гуруҳдан чиқмаган бўлиши мумкин эди", - деди Галеоне.
