Патрик Виейра АҚШ терма жамоаси бош мураббийлиги учун даъвогарлардан бири саналади.
Кеча 48 ёшли франциялик мутахассис бир йиллик меҳнатидан сўнг "Страцбург"ни тарк этгани маълум бўлди.
Инсайдер Фабрицио Романонинг сўзларига кўра, унинг номзоди АҚШ футбол федерацияси томонидан муҳокама қилинмоқда. Бироқ, Виейра ягона номзод эмас.
АҚШ терма жамоаси бош мураббийи лавозими Грегг Берхгалтер истеъфога чиқарилганидан кейин бўшаб қолди. Ўз уйида бўлиб ўтган Америка кубогида жамоа гуруҳдан чиқа олмади.