Давралар оралиғидаги танаффус даврида “Металлург” таркибида ўзгаришлар давом этмоқда. Кеча жамоа икки нафар ўйинчи билан шартномани бекор қилди. Булар марказий ҳимоячи Аббосжон Отахонов ҳамда ярим ҳимоячи Сардор Абдураимовлардир.
28 ёшли Аббос Отахонов фаолиятини Таиландда давом эттириши боис клуб билан хайрлашди. У “Металлург” таркибида 2018-2020, 2022 ҳамда 2024 йиллар давомида 95 та ўйинда майдонга чиққан. 3 та гол киритган. 19 марта огоҳлантирилган. Ўзбекистон кубоги баҳсларида 10 та ўйинда майдонга чиқиб, 2 та гол урди. 3 марта сариқ карточка билан жазоланди.
Сардор Абдураимов эса 2023 йилнинг иккинчи ярмидан “Металлург” шарафини ҳимоя этиб келди. Бекободликлар сафидаги бир йиллик фаолияти давомида Абдураимов 26 та учрашувда майдонга тушди. 1 та гол урди. 2 марта сариқ карточка билан жазоланди. Ўзбекистон кубоги баҳсларида эса 4 та ўйинда тўп сурди. 2 та гол киритди.
