«Пахтакор» ва «Динамо» (4:0) учрашувидан кейинги матбуот анжуманида иштирок этган «Динамо» устози Камо Газаров мағлубиятга жамоасининг ўта ёш ва тажрибасиз футболчилардан тузилганини сабаб қилиб кўрсатди.

«Рақибга жиддий кўрсатиш учун машғулотларда ишлагандик. Бироқ тезкор гол барчасини ўзгартириб юборди. Шундан кейин йигитлар нима қилишни билмай қолишди».

«Бизда ўйинчилар ёш ва уларда тажриба кам. «Пахтакор»да ҳам футболчилар ёш, лекин уларнинг барчаси анчадан буён асосий таркибда ўйнаб келмоқда. Халқаро учрашувларни майдонга тушишган. Бизда бўлса ёшларнинг тиззаси қалтираб қолганига гувоҳ бўлдик. Менимча, кейинги йилга бориб, бизнинг футболчилар ўсишга эришишади. Ҳозир эса ёшлардан иборат курашчан жамоани шакллантиришга ҳаракат қиламиз».

«Бугун ёшлар билан биргаликда тажрибали футболчилар хатога йўл қўйишди. Мельничукда хатолар бўлди, Холмуродов, Клецков ва Сайфиевда ҳам. Боз устига, гол ура олмаяпмиз. Машғулотларда барчаси кўнгилдагидек чиқади, бироқ ўйиннинг ўзига келганда ҳужумлардан наф чиқара олмаяпмиз. Кейинги турда «Бунёдкор»ни қабул қиламиз. Ўша учрашувда камида дурангга эришишга уринамиз», дейди Газаров.