"Ювентус" ўз таркибини кучайтириш устида ишламоқда. Журналист Фабрис Хокинснинг ижтимоий тармоқларда хабар беришича, Турин клуби аллақачон "Ницца" ҳимоячиси Жан-Клер Тодибо билан 5 йиллик шартнома борасида келишиб олган.
Қайд этилишича, 24 ёшли Тодибо "Ювентус" учун устувор номзод ҳисобланади. Шу билан бирга, "кекса сеньора" "Барселона"нинг собиқ футболчиси учун "Ницца"га ҳали таклиф билан чиққани йўқ. Бунинг учун туринликлар ўз футболчиларидан бирини сотиши керак.
Transfermarkt портали Жан-Клер Тодибони 35 миллион еврога баҳоламоқда. Матбуот хабарларига кўра, футболчи "Вест Хэм"нинг ҳам нишонида.
