Жума куни "Комо" Сеск Фабрегас расман жамоа бош мураббийи эканлигини эълон қилди.
Илгари де-юре ёрдамчи мураббий ҳисобланган 37 ёшли мутахассис ўз фикрларини билдириб ўтди.
"Янги мавсумни бош мураббий сифатида бошлаганимдан жуда хурсандман. Менга ушбу лавозимни ишониб топширгани учун эгалик гуруҳига миннатдорчилик билдираман. Мен бошлиқларнинг амбициялари билан ўртоқлашаман ва бу клуб босиб ўтиши мумкин бўлган йўлнинг бошланиши, деб ҳисоблайман. Олдинда қийин ва муҳим мавсум турибди, лекин мен ва қолган мураббийлар штаби тайёрмиз. Биз жамоага ишонамиз", - деди Фабрегас клуб матбуот хизматига.
Эслатиб ўтамиз, "Комо" 2002/2003 йилги мавсумдан бери биринчи марта элит дивизион - А Серияда ўйнайди.
