"Манчестер Юнайтед" ва Португалия терма жамоасининг собиқ қанот футболчиси Нани футбол ҳаётида янги босқичга тайёргарлик кўрмоқда.
37 ёшли футболчи май ойида "Адана Демирспор"ни тарк этган ва клубсиз қолган, бироқ фаолиятини якунлаш ниятида эмас.
Бу орада Нани бир гуруҳ сармоядорлар билан биргаликда "Синтренсе" клубининг 95 фоиз акцияларини сотиб олди. Клуб Синтра шаҳрида, Лиссабон шимоли-ғарбида, футболчининг туғилган жойига яқин жойлашган. 112 йил аввал ташкил этилган "Синтренсе" тўртинчи Португалия чемпионатида иштирок этмоқда.
Янги хўжайинлар клубни Португалия чемпионатининг юқори дивизиони бўлган Примейра Лигасига олиб чиқиш учун катта маблағ сарфлашни режалаштирмоқда.
