"Барселона" кредит пулидан Нико Уильямсни қўлга киритиш учун фойдаланишни режалаштирмоқда.
Mundo Deportivo нашри хабарига кўра, каталонияликларнинг молиявий аҳволи уларга испаниялик футболчининг 58 миллион евролик товон пулини тўлиқ тўлашига имкон бермаяпти, чунки "Атлетик" трансфер бўйича бўлиб-бўлиб тўловларни муҳокама қилишни истамаяпти.
Бир неча ой олдин La Vanguardia газетаси "Барселона" йил якунидаги камомад ва клубнинг қарз муддати туфайли юзага келган ликвидлик талабларини қондириш учун 100 миллион евро миқдорида кредит олиш борасида музокаралар олиб бораётгани ҳақида хабар берганди.
Шунингдек, Cadena SER хабар беришича, клуб ушбу кредитдан Нико Уильямсни сотиб олиш учун фойдаланишни режалаштирмоқда.
Олдинроқ "Барселона" спорт директори Деку Уильямснинг агенти Феликс Тайнт билан учрашиб, шартнома масалаларини муҳокама қилган ва клубнинг футболчига нисбатан ниятларини билдирган.
