"Ювентус" ва ярим ҳимоячи Уэстон Маккенни тез орада ажралишади. Америкалик "кекса синьора" билан шартномани узайтиришни режалаштирмаяпти, амалдаги шартнома бир йилдан кейин тугайди. Шу муносабат билан туринликлар ярим ҳимоячини жорий трансфер ойнаси тугамасдан сотмоқчи. Журналист Николо Скиранинг хабар беришича, 25 ёшли футболчи Чемпионлар лигасида иштирок этувчи клубга ўтмоқчи. "Ювентус" сотувни имкон қадар тезроқ якунлашга умид қилмоқда.
Яқинда Уэстон Маккенни учун даъвогарлар орасида Англиянинг “Эвертон”, Американинг “Интер Майами” ва Туркиянинг “Фенербахче” клублари бор эди. Ўтган мавсумда футболчи "бьянконерилар" сафида 38 та ўйинда майдонга тушиб, 10 та голли узатмани амалга оширган.
