"Yuventus" va yarim himoyachi Ueston Makkenni tez orada ajralishadi. Amerikalik "keksa sinyora" bilan shartnomani uzaytirishni rejalashtirmayapti, amaldagi shartnoma bir yildan keyin tugaydi. Shu munosabat bilan turinliklar yarim himoyachini joriy transfer oynasi tugamasdan sotmoqchi. Jurnalist Nikolo Skiraning xabar berishicha, 25 yoshli futbolchi Chempionlar ligasida ishtirok etuvchi klubga o‘tmoqchi. "Yuventus" sotuvni imkon qadar tezroq yakunlashga umid qilmoqda.

Yaqinda Ueston Makkenni uchun da’vogarlar orasida Angliyaning “Everton”, Amerikaning “Inter Mayami” va Turkiyaning “Fenerbaxche” klublari bor edi. O‘tgan mavsumda futbolchi "byankonerilar" safida 38 ta o‘yinda maydonga tushib, 10 ta golli uzatmani amalga oshirgan.