Ҳуқуқлари Лондоннинг “Челси” клубига тегишли бельгиялик марказий ҳужумчи Ромелу Лукаку “Наполи” билан келишувга эришди. Бу ҳақда журналист Жанлука ди Марцио хабар берди.

Манбага кўра, томонлар муваффақиятли музокаралар олиб борган ва уч йиллик меҳнат шартномаси бўйича келишиб олган. Футболчининг маоши йилига олти миллион еврони ташкил қилади. Неаполитан клуби эндиликда "кўклар" билан тўпурарнинг трансфери учун товон пули миқдорини келишиб олиши керак.

Ромелу "Челси" билан 2026 йилнинг ўрталарига қадар шартнома имзолаган. Transfermarkt портали ҳужумчининг бозор нархини 30 миллион еврога баҳоламоқда.