Италия терма жамоасининг собиқ футболчиси, 1994 йилги жаҳон чемпионатида жамоа сафида тўп тепган Дино Баджо жамоа ярим ҳимояси борасида "Милан"нинг "Интер"га етиб олишига ишончи комил эмас.
"Ўтган мавсумда "Интер" биринчи навбатда ярим ҳимояда "Милан"дан устун келгани кўриниб қолди. У ҳам жисмоний, ҳам техник жиҳатдан кучлироқ. Ва тактик жиҳатдан ҳам. Қанотларида Дюмфрис ва Димарко бўлган Чалханўғли, Мхитарян ва Барелла "Интер"нинг кучи. Фофана ва Самарджич - "Милан" учун яхши ўйинчилар, аммо бу етарли эмас деб ўйлайман", - деб Дино Бажо сўзларини келтирмоқда pianetamilan.it.
