"Манчестер Юнайтед"нинг янги футболчиси Лени Йоро жамоадаги илк ўйинидан сўнг ўз таассуротлари билан ўртоқлашди.

18 ёшли футболчи "Лилль"дан келганидан икки кун ўтиб "қизил иблислар" сафида ўйнади. Франциялик футболчи Эрик тен Хаг жамоасида Шотландиянинг "Рейнжерс" клубига қарши мавсумолди ўртоқлик учрашувида майдонга тушди. Ўйин 2:0 ҳисобидаги инглиз клуби ғалабаси билан якунланди.

“Жамоадошларим ва ходимлар мени майдонда ўзимни қулай ҳис қилишига ёрдам берди. Мен учун бу ақл бовар қилмайдиган нарса эди. Жамоа яхши ўйин кўрсатди, ўйинимдан мамнунман. Умид қиламанки, биз худди шундай руҳда давом этамиз", - деди Йоро.