"Ред Булл Зальцбург"нинг марказий ҳимоячиси Страхиня Павловичга бир қатор гранд клублар қизиқиш билдирмоқда.
Сербиялик футболчи билан деярли келишувга эришган "Милан" 23 ёшли футболчига асосий даъвогар саналарди. Инсайдер Маттео Мореттонинг ёзишича, Павловичга Мадриднинг “Атлетико” клуби ҳам қизиқиш билдирган. "Матрасчилар" "Фейеноорд" билан Давид Ханцконинг трансфери бўйича келишувга эриша олишмаяпти, шу боис улар ҳимоя марказини кучайтириш учун муқобил вариантларни ўрганишмоқда.
Transfermarkt портали мутахассислари Страхиня Павловичнинг ҳозирги нархини 25 миллион еврога баҳоламоқда.
