Яқинда "Манчестер Юнайтед" "Лилл"дан ҳимоячи Лени Йорони ўз сафига қўшиб олганини эълон қилди.
“Қизил иблислар” иқтидорли футболчи учун жуда катта сумма – 62 миллион евро тўлаган. Шанба куни "Манчестер Юнайтед" матбуот хизмати Йоронинг 15-рақамли футболка кийган суратини эълон қилди.
Бу 18 ёшли футболчининг клубдаги рақами бўлади.
Ўз вақтида Неманья Видич "Манчестер Юнайтед" сафида 15-рақамли футболка кийган эди. "Олд Траффорд"да бу рақамни кийган охирги футболчилар Серхио Регилон, Марсель Забицер ва Андреас Перейра бўлган.