"Манчестер Юнайтед"нинг собиқ ҳужумчиси Тедди Шерингем "қизил иблислар" бош мураббийи Эрик Тен Хагни янги мавсум бошланганидан кейин икки ҳафта ичида истефога чиқариши мумкинлиги ҳақида огоҳлантирди.
Июль ойи бошида Тен Хаг "Манчестер Юнайтед" билан шартномасини 2026 йилгача узайтирган эди, бироқ бунгача "Олд Траффорд"даги клуб раҳбарияти Эрикни истефога чиқариш ҳақида жиддий ўйлаб, ҳатто бошқа мураббийлар билан ҳам музокаралар олиб бораётганди.
Шерингем бу вазиятда Тен Хагнинг ишончлилигини минимал деб ҳисоблайди ва "Манчестер Юнайтед" Эрикга сабр қилмайди.
"У янги шартнома имзолаган бўлса-да, Эрик Тен Хаг ўз иши ҳақида ҳеч қандай кафолатга эга эмас.
Футболда ҳамма нарса бўлиши мумкин, агар улар учта ёмон ўйин ўтказсалар, у икки ҳафтадан сўнг ишдан бўшатилиши мумкин. Кейин учта яхши натижадан сўнг у ҳар доимгидек кучли бўлиши мумкин. Ҳозирда футбол шундай", - деди Шерингем OLBG нашрига.
