Мадриднинг “Атлетико” клуби “Реал”нинг украиналик дарвозабони Андрей Лунинни ўз сафига қўшиб олмоқчи, дея хабар беради Defensa Central.
Манбага кўра, "матрасчилар" раҳбарияти футболчи учун 15 миллион евро тўлашга тайёр бўлган. Бироқ “Қироллик клуби"ни бу сумма қаноатлантирмади. "Лос-Бланкос" дарвозабонни сотишдан 30-35 миллион евро ишлаб олишни кутмоқда. Молиявий келишмовчиликлар туфайли келишув амалга ошмади.
Эслатиб ўтамиз, Луниннинг Мадрид гиганти билан тузилган меҳнат шартномаси келаси йилнинг ўрталарига қадар амал қилади. Transfermarkt портали экспертлари унинг қийматини 25 миллион еврога баҳоламоқда.
