"Байер" Арда Гюлерни ижарага бериш илтимоси билан "Реал"га бир неча бор мурожаат қилган.
OK Diario нашри хабарига кўра, немис клуби 19 ёшли ярим ҳимоячини ижарага олиш бўйича қайта сўров билан чиққан. Аввалроқ, Хаби Алонсо жамоаси Чемпионлар лигаси финалидан сўнг Мадрид билан боғланган эди.
Охирги бир ярим ой ичида бошқа немис клублари ва Премьер-лига, Ла Лига ва А Серия жамоалари ҳам туркиялик ёш футболчини ижарага олишга қизиқиш билдиришди. Италия жамоалари орасида "Милан" Гюлерни ижарага олишга ҳаракат қилди.
Бироқ на Мадрид, на футболчининг ўзи унинг ёзда кетиши ҳақида ўйламаяпти.
Футболчи ўтган мавсумда Ла Лигада 10та ўйин ўтказиб, 6та гол урган.
