Мадриднинг "Реал" клуби "Сантьяго Бернабеу"ни реконструкция қилиш жараёнида стадионда 300 та эксклюзив VIP-ўриндиқлар яратди, деб хабар бермоқда Испаниянинг Relevo нашри.
Мадрид клуби стадионни реконструкция қилди, бу эса клубга тахминан 1 миллиард еврога тушди. Таъмирлаш вақтида "Лос Бланкос" VIP меҳмонлар учун ўриндиқлар сонини кўпайтирди.
Маълум қилинишича, стадионда 300 кишига мўлжалланган алоҳида зона пайдо бўлган. У бошқа трибуналардан ажратилган ва майдоннинг энг яхши кўринишига эга. Бу ҳудудда ташриф буюрувчилар эксклюзив озиқ-овқат ва маҳсулотлар билан таъминланади.
Кейинги 30 йил давомида стадиондаги бу ўриндиқларга эга бўлиш учун ҳар бир киши ҳар йили тахминан 250 минг евро ва қўшимча номаълум суммани тўлаши керак бўлади. Ўйинлардан ташқари, бу уларга "Сантьяго Бернабеу"да бўлиб ўтадиган бошқа тадбирларга кириш имконини беради.
Бу жойлар Испаниянинг энг нуфузли ишбилармонлари, компания раҳбарлари ва бошқаларга алоқа ўрнатиш учун жой бериш учун яратилган.
Клуб манбаларининг айтишича, бу жойлар ўйинчилар учун мавжуд бўлган жойлардан яхшироқ бўлади.
