Madridning "Real" klubi "Santyago Bernabeu"ni rekonstruksiya qilish jarayonida stadionda 300 ta eksklyuziv VIP-o‘rindiqlar yaratdi, deb xabar bermoqda Ispaniyaning Relevo nashri.

Madrid klubi stadionni rekonstruksiya qildi, bu esa klubga taxminan 1 milliard yevroga tushdi. Ta’mirlash vaqtida "Los Blankos" VIP mehmonlar uchun o‘rindiqlar sonini ko‘paytirdi.

Ma’lum qilinishicha, stadionda 300 kishiga mo‘ljallangan alohida zona paydo bo‘lgan. U boshqa tribunalardan ajratilgan va maydonning eng yaxshi ko‘rinishiga ega. Bu hududda tashrif buyuruvchilar eksklyuziv oziq-ovqat va mahsulotlar bilan ta’minlanadi.

Keyingi 30 yil davomida stadiondagi bu o‘rindiqlarga ega bo‘lish uchun har bir kishi har yili taxminan 250 ming yevro va qo‘shimcha noma’lum summani to‘lashi kerak bo‘ladi. O‘yinlardan tashqari, bu ularga "Santyago Bernabeu"da bo‘lib o‘tadigan boshqa tadbirlarga kirish imkonini beradi.

Bu joylar Ispaniyaning eng nufuzli ishbilarmonlari, kompaniya rahbarlari va boshqalarga aloqa o‘rnatish uchun joy berish uchun yaratilgan.

Klub manbalarining aytishicha, bu joylar o‘yinchilar uchun mavjud bo‘lgan joylardan yaxshiroq bo‘ladi.