"Челси"нинг бельгиялик ҳужумчиси Ромелу Лукакунинг "Наполи"га трансфери амалга ошмай қолиши мумкин.

Журналист Бен Жейкобс ўзининг ижтимоий тармоқларида хабар беришича, Лондон клуби ўз футболчиси учун 45 миллион евро олиш ниятида, аммо "Наполи" бунча пул тўлашга тайёр эмас. Италия клуби Лукаку учун 25 миллион евро тўлашга тайёр.

Аввалроқ Лукакунинг ўзи ҳам "Наполи" футболчиси бўлишни ва яна Антонио Конте билан ишлашни хоҳлаётгани ҳақида маълумотлар пайдо бўлганди. Лукакунинг "Челси" билан шартномаси 2026 йилгача мўлжалланган. Transfermarkt ҳужумчининг бозор нархини 30 миллион еврога баҳоламоқда.