"Ювентус"нинг собиқ футболчиси Леонардо Бонуччи Федерико Кьезанинг келажаги ҳақида гапирди.
"Кекса синьора" қанот ҳужумчисини шартномаси якунланган бир йилдан кейин текинга кетишининг олдини олиш учун ёзда сотишга тайёр. Италия терма жамоасининг 26 ёшли футболчиси билан А Сериянинг бошқа вакиллари қизиқиш билдирмоқда, бироқ ҳозирча аниқ музокаралар олиб борилмаяпти.
“Менимча, Кьеза нима истаётганини тушуниши керак. У сўнгги йилларда жисмонан ва руҳий жиҳатдан қийналди ва энди топ футболчи бўлиш учун олдинга қадам ташлаши керак. Умид қиламанки, у "Ювентус"да қолади», - деди Бонуччи Sky Sport Italia нашрига.
