"Манчестер Юнайтед" вингери Жейдон Санчо фаолиятини Франция чемпионатида давом эттириши мумкин, деб хабар бермоқда Footmercato. Манбанинг хабар беришича, футболчига "ПСЖ" клуби қизиқмоқда.

Париж топ-клуби бошлиқлари инглиз футболчисига таклиф билан чиқишди. Санчо фаолиятини давом эттириш учун ушбу вариантга қизиқмоқда. Ярим ҳимоячининг трансфер нархи 30 миллион еврога баҳоланган ва унинг “қизил иблислар” билан шартномаси 2026 йилнинг ёзида якунига етади.

Ўтган мавсум иккинчи қисмида Жейдон Дортмунднинг "Боруссия" жамоасида ижара асосида ўйнади. 24 ёшли ярим ҳимоячи Германия чемпионатининг 14та учрашувида иштирок этиб, иккита гол ва иккита голли узатмага муаллифлик қилган.