"ПСЖ" "Манчестер Юнайтед" ярим ҳимоячисига кўз тикмоқда. Гап ўтган ёздан бери жамоа сардори бўлиб келаётган Бруну Фернандеш ҳақида кетмоқда.
Олдинроқ португалиялик футболчи ушбу трансфер ойнасида "Олд Траффорд"ни тарк этиши мумкинлиги ҳақида хабар берилганди. Журналист Танзи Оличнинг маълумотларига кўра, "ПСЖ" бош мураббийи Луис Энрике 2020 йилнинг январидан буён "Манчестер Юнайтед"да ўйнайтган Фернандешнинг номзодини жуда ёқтирмоқда.
Англия Премьер-лигасининг сўнгги мавсумида 29 ёшли Фернандеш 35 учрашувда 10 та гол ва 8 та голли узатмани амалга оширди. Португалиялик футболчи ўзининг 4 та голини пенальтидан киритди.
