"Бавария" ҳимоячиси Маттейс де Лигт узоқ вақтдан бери "Манчестер Юнайтед"нинг радарида эди. “Қизил иблислар” бош мураббийи Эрик тен Хаг “Аякс”да аввал бирга ишлаган футболчи билан шартнома имзоламоқчи.
Бироқ клублар ўртасидаги музокаралар осон кечмаяпти. Bild хабарига кўра, "Манчестер Юнайтед" 24 ёшли де Лигт учун 30 миллион евро + 5 миллион бонус таклиф қилган. "Бавария" бу таклифни рад этди, чунки улар футболчини 50 миллион еврога баҳолаган.
Маттейс де Лигт "Бавария"да икки мавсум ўтказди. Бу вақт ичида голландиялик 73 та расмий ўйинда қатнашди.
