"Пари Сен-Жермен" клуби Килиан Мбаппе билан хайрлашганидан сўнг ҳужумни жиддий равишда кучайтиришни режалаштирмоқда.
Яқинда ОАВда Лига 1 гиганти "Манчестер Юнайтед"дан Жэйдон Санчога қизиқиш билдираётгани ҳақида маълумот пайдо бўлди. L'Equipe хабарига кўра, 24 ёшли англиялик футболчи "ПСЖ"да ўйнамоқчи, бироқ у билан ҳали келишувга эришилмаган. "Қизил иблислар" ҳам ҳозирча трансферни маъқуллашмаган.
Айни пайтда, манба таъкидлаганидек, парижликлар яна икки юлдуз ҳужумкор ўйинчи бўйича келишувлар устида ишлашда давом этишмоқда - гап Хвича Кварацхелия («Наполи») ва Рафаэль Леау («Милан») ҳақида кетмоқда.
Жэйдон Санчонинг нархи Transfermarkt экспертлари томонидан 30 миллион еврога баҳоланган бўлса, Кварацхелия ва Леау, худди шу порталга кўра, мос равишда 80 ва 90 миллион еврога баҳоланмоқда.
