"Бавария" мавсумолди тайёргарлик доирасида 3 август куни "Тоттенхэм"га қарши ўртоқлик учрашуви ўтказади. Ҳужумчи Харри Кейн собиқ жамоасига қарши майдонга тушмайди.
Гап шундаки, футболчи Европа чемпионатидаги ўйинидан сўнг дам олишга чиққан. Мюнхенликлар бош мураббийи Венсан Компани Кейннинг мавсумолди турда иштирок этмаслигини тасдиқлади.
"Кейн, Дэвис, Упамекано ва Коман у ерда бўлмайди. Лекин умид қиламизки, улар биринчи кубок ўйинида майдонга туша оладилар", - дея Компани сўзларини келтирмоқда Goal портали.
Айтиш жоизки, ҳар бир футболчи мавсум охирида камида уч ҳафта дам олиш ҳуқуқига эга.
