Хавьер Тебасга нисбатан CVC билан келишувдаги қонунбузарликлар туфайли иш очилди.
Эслатиб ўтамиз, 2021 йилда Ла Лига CVC билан келишувни тасдиқлаган эди, унга кўра инвестиция жамғармаси лигага деярли 2 миллиард евро тўлаган ва бунинг эвазига кейинги 50 йил давомида турнирга ТВ ҳуқуқининг тахминан 11 фоизини олган.
Маблағнинг 90 фоизи биринчи ва иккинчи дивизиондаги 42 та клубдан 39 таси учун мўлжалланган эди.
Бу пуллар, хусусан, инфратузилмани яхшилаш ва клубларни рақамлаштиришга сарфланиши керак.
Испания спорт маъмурий трибунали Спорт Олий Кенгаши томонидан юборилган шикоятни инобатга олган ҳолда Ла Лига президенти Хавьер Тебасга нисбатан интизомий иш очди. Бу "Реал Мадрид" президенти Флорентино Перес томонидан клубга нисбатан камситишлар бўйича берилган шикоят эди.
"Реал"нинг фикрича, йиғилиш вақтни белгилаш бўйича меъёрий талабларга амал қилинмаган. Иш "жуда жиддий" деб таснифланган, бу эса президентнинг лавозимидан четлатилишига олиб келиши мумкин эди.
Relevo'нинг хабар беришича, бунга меъёрда кўрсатилгандек йиғилиш ўн кун эмас, балки саккиз кун олдин шошилинч равишда чақирилиши сабаб бўлган. Қолаверса, йиғилишни Ла Лига президенти эмас, унинг ўринбосари чақирган.
