Xavyer Tebasga nisbatan CVC bilan kelishuvdagi qonunbuzarliklar tufayli ish ochildi.

Eslatib o‘tamiz, 2021 yilda La Liga CVC bilan kelishuvni tasdiqlagan edi, unga ko‘ra investisiya jamg‘armasi ligaga deyarli 2 milliard yevro to‘lagan va buning evaziga keyingi 50 yil davomida turnirga TV huquqining taxminan 11 foizini olgan.

Mablag‘ning 90 foizi birinchi va ikkinchi diviziondagi 42 ta klubdan 39 tasi uchun mo‘ljallangan edi.

Bu pullar, xususan, infratuzilmani yaxshilash va klublarni raqamlashtirishga sarflanishi kerak.

Ispaniya sport ma’muriy tribunali Sport Oliy Kengashi tomonidan yuborilgan shikoyatni inobatga olgan holda La Liga prezidenti Xavyer Tebasga nisbatan intizomiy ish ochdi. Bu "Real Madrid" prezidenti Florentino Peres tomonidan klubga nisbatan kamsitishlar bo‘yicha berilgan shikoyat edi.

"Real"ning fikricha, yig‘ilish vaqtni belgilash bo‘yicha me’yoriy talablarga amal qilinmagan. Ish "juda jiddiy" deb tasniflangan, bu esa prezidentning lavozimidan chetlatilishiga olib kelishi mumkin edi.

Relevo'ning xabar berishicha, bunga me’yorda ko‘rsatilgandek yig‘ilish o‘n kun emas, balki sakkiz kun oldin shoshilinch ravishda chaqirilishi sabab bo‘lgan. Qolaversa, yig‘ilishni La Liga prezidenti emas, uning o‘rinbosari chaqirgan.