Британиялик теннисчи, дунёнинг собиқ биринчи рақамли ракеткаси Энди Маррей 2024-йилда Париждаги Олимпия ўйинларидан сўнг фаолиятини якунлайди. Бу ҳақда 37 ёшли спортчи Х ижтимоий тармоғида маълум қилди.
"Мен Парижга теннис бўйича сўнгги турнирим учун келдим. Британия жамоаси учун рақобат менинг фаолиятимдаги энг эсда қоларли тажриба бўлди ва мен буни охирги марта бажара олганимдан ғурурланаман", дея ёзган Маррей.
Маррей ўз фаолияти давомида 46 та ATP турнирида ғалаба қозонган. У айни дамда жаҳон рейтингида 121-ўринни эгаллаб турибди.
Британиялик яккалик баҳсларида икки марта (2012, 2016) Олимпия ўйинларида ғолиб чиққан.
