«Реал Мадрид»нинг 2023/24 йилги мавсумдаги даромади 1 миллиард евродан ошди.
Ҳисоботга кўра, клубнинг операцион даромади 1,073 млрд еврони ташкил қилган - бу аввалги ҳисобот даврига нисбатан 27 фоизга кўп. «Реал Мадрид» молиявий йилда 1 миллиард евродан ортиқ даромад олган биринчи футбол клуби бўлди.
«Реал Мадрид»нинг фоизлар, солиқлар, амортизация ва амортизациядан олдинги даромади (EBITDA) 156,3 миллион еврони ташкил қилди. Соф фойда 15,6 миллион еврони ташкил этди – ўтган ҳисобот даврида бу кўрсаткич 11,8 миллион еврони ташкил қилган. Клубнинг устав капитали 574,1 миллион еврога баҳоланмоқда - бу 2022/23 йилги мавсумдагидан 16 миллионга кўп.
Шу билан бирга, ҳисоб-китобларда "Сантьяго Бернабеу"ни реконструкция қилиш лойиҳаси ҳисобга олинмаган.
