"Бавария" ёзги трансфер ойнасида ҳужумкор ярим ҳимояни кучайтириш ниятида. "ПСЖ"дан Хави Симонс мюнхенликлар жамоасининг асосий мақсади ҳисобланган, бироқ улар нидерландиялик футболчини қўлга кирита олишмади.

Инсайдер Фабрицио Романонинг сўзларига кўра, "Бавария" энди Десире Дуэни сотиб олишга эътибор қаратади. Бундеслига гранди 19 ёшли футболчи учун "Ренн"га 55 миллион евро таклиф қилган.

Футболчининг ўзи ҳали фаолиятини қаерда давом эттиришни ҳал қилмаган. Десире “Ренн” сафида Лига 1да 31 та ўйинда майдонга тушиб, 4 та гол ва 5 та голли узатмага муаллифлик қилган.