"Барселона" ва Испания терма жамоасининг 17 ёшли ҳимоячиси Пау Кубарси 2024 йилда Парижда бўлиб ўтадиган Олимпиада ўйинларидаги иштироки ҳақида гапирди.

"Мен бундан максимал фойда оламан, чунки бу менга ёқади. Бир йил олдин, тўғрисини айтсам, бу ерда қолишимни тасаввур ҳам қила олмасдим.

Биз мусобақани жуда интиқлик билан кутмоқдамиз. Биз дебютимизга анчадан бери тайёргарлик кўрдик ва жуда ҳаяжондамиз, чунки бу ажойиб турнир бўлиши мумкин ва биз унга катта истак ва интилиш билан ёндашмоқчимиз. Биз ҳар доим максималга интиламиз, биз Испания терма жамоасимиз ва бунга доим эришишимиз керак. Агар биз рақобатлашсак ва яхши ўйнасак, бизни ажойиб турнир кутиб турибди", - дея Кубарсининг сўзларини келтиради Sport.es.

Испания терма жамоаси "C" гуруҳида Ўзбекистон, Миср ва Доминикан Республикаси билан иштирок этади.