Амстердамнинг "Аякс" клуби ҳужумчиси Брайан Бробби келаси мавсумда АПЛда ўйнашга умид қилмоқда.
"Аякс" инқирозга учраганига қарамай, ўтган мавсумда шахсан Бробби жуда яхши ўйнади. Брайан Эредивизиянинг 30 та учрашувида 18 та гол урди ва 8 та голли узатмани амалга оширди.
Sky Sport Germany нашри хабарига кўра, ёзда кўплаб клублар Бробби борасида расмий таклиф юборишган. Улар орасида, "Вест Хэм" ҳамда Италиянинг “Рома” клуби бор.
"Аякс" билан шартномаси 2027 йилгача мўлжалланган Броббининг ўзи ҳам Премьер-лигага ўтиш ҳақида ўйламоқда.
22 ёшли голландиялик футболчини сотиб олиш учун 25-30 миллион евро (21-25 миллион фунт) етарли бўлиши кутилмоқда.
