Бундан буён буюк Пеле куни Бразилияда нишонланади ва у 19 ноябрда бўлиб ўтади.

Қарор мамлакат ҳукумати даражасида қабул қилинган. 19 ноябрь танланди, чунки айнан шу куни Пеле ўзининг фаолиятидаги 1000-голини расман киритди. Бу 1969 йилда "Сантос"нинг "Васко да Гама" жамоасига қарши ўйинда рўй берганди. Яна бир бразилиялик юлдуз – Роналдиньо учун ҳам 19 ноябрь муҳим аҳамиятга эга эканлиги қизиқ. 2005 йилнинг шу куни у "Реал"га қарши фаолиятидаги энг яхши ўйинлардан бирини ўтказди - у икки бор гол урди ва омма олқишига сазовор бўлди.

Эслатиб ўтамиз, буюк футболчи 1941 йилда туғилган ва 2022 йил 29 декабрда вафот этган.