"ПСЖ" ва "Бенфика" Жоау Невеш трансфери шартларини муҳокама қилмоқда.
A Bola хабарига кўра, 19 ёшли португалиялик ярим ҳимоячи Париж клубига ўтиш шартлари бўйича тўлиқ келишиб олган.
Шунингдек, Жоау Невеш "ПСЖ" билан 5 йилдан 6 йилгача муддатга шартнома имзолаши, португалияликнинг маоши мавсумига тахминан 5 миллион еврони ташкил қилиши хабар қилинган. "Бенфика"да у йилига 500 минг евро ишлаб олган.
Невеш "ПСЖ" ва Португалия клубининг барча шартлар бўйича келишиб олишини ва келишувни якунлашини кутмоқда.
Шунингдек, A Bola'нинг хабар беришича, трансфер суммаси 60 миллион евро ва бонуслар сифатида 10 миллионни ташкил қилади. Қайд этилишича, битим суммаси ҳақидаги маълумот клубларга яқин манбалар томонидан тасдиқланмаган.
Ўтган мавсумда Жоау Португалия чемпионатида 33та ўйин ўтказиб, 3та гол урган.
