Олимпиададаги Аргентина ва Марокаш ўртасидаги ўйин трибунадаги тартибсизликлар туфайли тўхтатилди.
Футбол бўйича Олимпия ўйинларининг гуруҳ босқичининг биринчи турида Аргентина ва Марокаш терма жамоалари тўқнаш келишди.
Иккинчи бўлимга қўшиб берилган 15-дақиқада аргентиналиклар Кристиан Мединанинг голи эвазига ҳисобни тенглаштиришди (2:2), бироқ бош ҳакам Гленн Нюберг офсайд бўлиши мумкин бўлганлиги учун видеотакрорни кўришга кетди.
Ўша пайтда Сент-Эьтендаги "Жоффруа-Гишар" стадиони трибуналарида тартибсизликлар бошланди ва ҳакам жамоаларни кийиниш хоналарига олиб кириб кетди - шундан сўнг барча томошабинлардан стадионни тарк этиш талаб қилинди.
L’Equipe нашри хабарига кўра, тўхтаб қолганига бир ярим соатдан кўпроқ вақт ўтган бўлса ҳам ўйин давом эттирилмади - ҳакамнинг фикрича, ўйиннинг сўнгги дақиқалари бўш трибуналарда ўтказилиши керак эди.
Ўйин Тошкент вақти билан 18:00да бошланди, ўйин 22:00дан кейин якунланиши керак эди.
Эслатиб ўтамиз, ўйин олдидан Сент-Эьтендаги томошабинлар Аргентина мадҳиясини куйлаганди. Катта эҳтимол билан бу аргентиналикларнинг Америка кубогини қўлга киритгандан сўнг Франция терма жамоасига нисбатан ҳужумкор ҳайқириқлари билан боғлиқ.
